Munduko Arrozak kulturen arteko jaialdia bihar ospatuko dute Errenterian, goizeko 11:00etatik arratsaldeko 17:00tara Diputazio Plazan, Iztieta auzoan. Jatorri ezberdinetako jendea bilduko da eta arroza, gizakiaren funtsezko jakietako bat mundu mailan, beren herrialdeetan egiten den bezala edo beren erara prestatuko dute.
Bertan, hainbat modutan prestatutako arrozaz dastatzeko aukeraz gain, musika ekitaldietaz gozatzeko aukera izango dute hurbiltzen diren herritar guztiek, azaldu dute ekimen honen antolatzaileek. “Partaidetza, aldarrikapena eta mestizajerako gunea izatea nahi dugu”, diote, “bizikidetzaren aldeko jarreren gunea”.
EGITARAUA
11:00 Tokien banaketa eta hasiera
11:30-13:30 Musika ‘Jam Session’
13:30 – 14:00 Bertsolariak
14:00 Dastaketa eta arroz onenari saria
15:00 Afrikako perkusio tailerra
16:00 – 16:45 Mozanbikeko ‘Arte Xibu’ perkusio taldea
17:00 Amaiera