Gaur hasiko dira Zamalbide-Bentak auzoko San Isidro jaiak 11:45ean zaindariaren elizaren inguruan egingo den ibilaldiarekin.
Arratsalderako, bertso pilota saio berezia antolatu dute. Bertan, Mikel Goñi pelotari ezaguna San Sebastianekin batera arituko da Lizaso-Aranburuk osatutako bikotearen aurkako lehian. Botilero lanak, berriz, Xamoa eta Agin Rezola bertsolariek egingo dituzte.
Ikuskizuna Perurenako frontoian izango da, 18:30ean eta sarrerak 5 euroan eskuratu ahal izango dituzte interesdunek.
Bi egunetako atsedena eta gero, haurrak izango dira jaietako protagonistak larunbatean eta bukatzeko, igandean, erretiratuen txanda izango da.
Egitaraua
.- Maiatzaren 15, asteazkena: San Isidro Eguna
11:45: San Isidro zaindariarem ibilaldia elizaren inguruan
12:00: Herri meza
12:45: Txupinazoa eta salda hartzea eliz atarian
13:00: Bertsolariak
14:00: Lagun arteko bazkaria Auzolan Elkartean
18:30: Bertso pilota saioa Perurenako frontoian
.- Maiatzaren 18, larunbata: Haurren Eguna
10:30: Haur jolasak eta tailerrak Perurenako frontoian
13:30: Haur bazkaria Auzolan Elkartean
14:30: Euskaraokea Perurenako frontoian
15:30: Eguraldi ona eginez gero, Apar festa, frontoiaren kanpoaldean
16:00: Mus txapelketa Auzolan Elkartean
17:00: Txokolatada bizkotxoekin
20:30: Herri afaria, musika giroarekin alaituta, Auzolan Elkartean. Aldez aurretik tiketak erosi beharko dira Zamalbide edo Perurena tabernetan (20 euro)
.- Maiatzaren 19, igandea: Erretiratuen Eguna
12:00: Meza
13:00: Salda eta bertsolariak eliz atarian
14:00: Jubilatuen omenaldiko bazkaria musika eta bertsolariekin girotua Auzolan Elkartean