Azpeitian errotuta dagoen Bizilore & Hazitik Hazkuntza Proiektu Integralaren aurkezpena izango da urtarrilaren 31n. Hezkuntza sistemak dituen gabeziez kezkatuta dauden gurasoak biltzen ditu Bizilorek. Aurkezpena Reina Aretoan izango da, 17:30ean.
Biziloreren ibilbidea 2012ko ekainean hasi zen. Guraso eta hezitzaile talde bat ohiko hezkuntza sistemaren gabeziez ohartuta horretaz hausnartzeko biltzen hasi ziren.
Hiru ildo nagusi zeuden talde hartan:
- Hezkuntzari buruz hausnartzearen beharra,
- sentsibilizazio lana egitea
- eta azkenik beraien haurrentzako espazio egokitu bat prestatzea.
Denborarekin hirugarren behar hau izan zen aurrera egin zuena, eta horretan urte bat inguru daramate.
