Gorakada Teatroak “Titirikontu Kontari” ikuskizuna aurkeztuko du Niessen Kulturgunean, bihar, hilak 17, arratsaldeko 18:00etan. Familia osoarentzako ikuskizuna da eta sarreraren prezioa 3 eurokoa.
“Titirikontu Kontari” konpainiak berak sortutako lana da, Ricardo Combiren testuekin. Honako ipuinak hartu dituzte abiapuntutzat: “Zapataria eta iratxoak”, “Barbantxo” eta “Urretxindorra”.
Hala, Reyes Moleres eta Leire Ucha aktoreek, manipulazio teknika desberdinak erabiliko dituzte: bunraku, itzalak, objektuak eta abestiak.
Elementu horiek guztiek ikuskizun erraza, dibertigarria eta ausarta bihurtzen dute “Titirikontu-kontari”. Kontu kontalarien ahotsak entzun eta txotxongiloen gorputzak ikusteko aukera paregabea izango da.
Fitxa artistikoa
- Gidoia: Ricardo Combi
- Zuzendaritza: Álex Díaz
- Ikus-entzunezkoa: Naiel Ibarrola
- Banaketa: Reyes Moleres, Leire Ucha
- Txotxongilo eta eszenografiaren diseinua: Javi Tirado
- Musika: Santiago Ramos, Fran Lasuen
- Itzulpena: Idoia Barceló
- Zuzendaritza-ekoizpena: Álex Díaz
- Argiztapena: Ion Chavez
Ikuskizunaren fitxa
- Hizkuntza: Euskera
- Iraupena: 50 minutu
- Publikoa: haurrak
Sarrerak: 3 €
– %20ko deskontua Kultura Kreaktiboa txartelarekin.
– %10eko deskontua izango dute: Gazte txartela eta langabezi txartela dutenak, 65 urtetik gorakoak eta familia ugaria direnak, Euskal Aktoreen Batasunako kideak; Euskal Herriko Dantza Profesionalen Elkarteko kideak, Gipuzkoako Dantza Profesionalen Elkarteko Kideak eta Euskadiko Musikari Elkartua-ko kideak, Udal Antzerki Tailerreko ikasle eta irakasleak, eta Errenteria Musikaleko ikasle eta irakasleak.
Sarreren salmenta: Niessengo harrera bulegoan honako ordutegian,
– Astelehena 17:00etatik 20:00etara
– Asteartetik ostiralera 10:00etatik 13:00etara eta 17:00etatik 20:00etara
– Larunbata 10:00etatik 13:00etara.
Ikuskizun egunean, leihatilan ordubete lehenago.
