Ozzinema Errenteria zeharkatzera dator berriro ere, zinema kalera eramateko asmoarekin: aurreko urteko edizioan izandako arrakasta ikusita, Ozzinema Summer itzuli da udako zinema eta zinema gauak eskaintzeko.

Ozzinema Summer-ek uda honetan emanaldi gehiago izango ditu leku gehiagotan, auzo ezberdinetara iristeko. Hori dela-eta, bigarren edizio honetan, erdialdean, Beraunen, Iztietan eta Pontikan izango dira aurreikusita dauden sei emanaldiak.

Ozzinema Summer-rek sei pelikula fresko, dibertigarri, adin guztientzakoak eta telebistan ikusi ez direnak hautatu ditu herritar guztiak erakartzeko. Gainera, lehenengo eta azkeneko filmak euskaraz izango dira.

Hauek dira datak eta pelikulak:

• Ekainaren 30ean 22:00etan, Koldo Mitxelena Ikastetxean, ZIKOINAK (CIGÜEÑAS)
• Uztailaren 14ean, 22:00etan, Diputazio Plazan, PETER Y EL DRAGÓN
• Uztailaren 28an, 22:00etan, Koldo Mitxelena plazan, MASCOTAS
• Abuztuaren 11ean, 22:00etan, Pontikan, CAZAFANTASMAS
• Abuztuaren 25ean, 22:00etan, Pablo Sorozabal plazan, EL LIBRO DE LA SELVA
• Irailaren 8an, 22:00etan, Musika Plazan BATMAN LEGO FILMA (BATMAN LA LEGO PELÍCULA)

Euria egiten badu, emanaldiak Koldo Mitxelena Ikastetxean izango dira.