Abian da Motxian Eby mezu lehiaketa

Oarsoaldeko Euskara Batzordeak eta Buruntzaldeko Euskara Zerbitzuek elkarlanean martxan jarri dute 2013ko Motxian Eby mezu lehiaketa.

Aurtengo lehiaketan Oarsoaldeko eta Buruntzaldeko 12 eta 16 urte arteko gazteek har dezakete parte eta horretarako 140 karaktere inguruko mezu bat bidali beharko dute honako gaiari erantzunez: Mezu bat jaso duzu: “zmz atzokoa?” Zer erantzungo diozu?

Lehiaketan parte hartzeko honako bideak erabil daitezke:

  • SMSak eta WhatsApp-ak 608955602 zenbakira
  • E-postak motxianeby@gmail.com helbidera
  • Sare sozialen bidez:
  • Buruntzaldea Euskaraz Facebooken eta Twitterren
  • Oarsoarrak Facebook eta Twitterren
  • Motxian Eby Tuentin

Mezuaren aurretik zein herritakoak diren adierazi beharko dute partehartzaileek. Izan ere, eskualde bakoitzean irabazle bat eta bost finalista izango dira. Parte hartzeko epea apirilaren 21ean amaituko da. Eskualde bakoitzeko irabazleak 200 euroko erosketa txartela jasoko du eskualdeko dendetan gastatzeko. Horrez gain, 60 euroko txartel bana banatuko zaizkie eskualde bakoitzeko finalistei.

Sari banaketa ekitaldia maiatzaren 2an izango da 19:00etan Perurena auzoan, bi eskualdeek bat egiten duten lekuan.