Errenteriako Udalak jakinarazi nahi du, oraindik ere leku libreak badirela aste honetan hasi diren langabetuentzat antolatutako euskara ikastaroetan.

Maila ezberdineko bi talde sortu dira; Udal euskaltegian bata eta Xenpelar AEK euskaltegian bestea.

Udal euskaltegiko taldea 0 urratseko ikasleek osatu dute. Eskolak, astelehenetik ostiralera izango dira, 9:15etatik 13:30etara. Interesa dutenek  943449680 telefono zenbakira dei dezakete.

Xenpelar AEK euskaltegian, berriz,  3. urratseko ikasleentzako taldea egin da. Kasu honetan, klaseak, astelehenetik ostegunera izango dira,  9:00etatik 14:00etara. Izena eman nahi dutenek 943340233 telefono zenbakira deitu behar dute.