Datorren ekainaren 14an, ostiralean, ikasturtean zehar Errenteriako Fanderiako eta Galtzarabordako instalazioetan egiten diren jardueren urteko erakustaldia burutuko da Galtzarabordako Udal Kiroldegian.
Erakustaldiari arratsaldeko 17:30ean emango zaio hasiera, Atzegiko ikasleen jarduerarekin. Ondoren, besteak beste, Dantza Eskola, Karate eta Gimnasia Erritmikoko ikasleak arituko dira.
Sarrera dohainik da, eta Errenteriako Galtzarabordako Udal Kiroldegiko Pistan izango da.