Unai Unsuain Errenteriako Udal Kirol Patronatuko Presidentek, Fanderiako Udal Pilotalekua alokatzeko orduen zozketa egingo dela jakinarazi du. Zozketa hau datorren 2013-2014 denboraldiari dagokio, hau da, 2013eko irailaren 1etik 2014ko irailaren 1era artekoari.
Aipatu zozketa datorren uztailaren 18an, osteguna, arratsaldeko 20:45ean burutuko da, Fanderiako Pilotalekuan bertan eta alokatzeko aukera izateko ezinbestekoa izango da zozketara bertaratzea.
Taldea osatuko duten 4 pelotarien zerrenda eman beharko da, gainera, eta, gutxienez, horietako batek Errenterian erroldatua egon beharko du.
Informazio gehiago lortzeko 687 920428 telefonora dei dezakete interesdunek.