Udal Txistulari Bandak ikasturteko lehenengo kontzertua eskainiko du datorren igandean, hilak 15, 12:45ean Xabier Olaskoaga plazan. Kontzertuan, txistularien errepertorioko ohiko doinuak izango dira entzungai: kalejirak, zortzikoak, alboradak… guztiak Xabier Vesgaren zuzendaritzapean.
Honakoa izango dute egitaraua:
- Demetrio Iriarteren Aurrera biribilketa
- Joxe Mari Gurrutxagaren Txokolo kontrapas luzea. Moldaketa Joxe Mari Altunak egina.
- Donostiako Aintzinako Himnnoa herri doinua. Moldaketa Jose Ignazio Ansorenak egina.
- Jose Ignazio Ansorenaren Botxo.
- Eusebio Basurtoren Fandango.
- Eusebio Basurtoren Ariñ-ariñ.
- Eduardo Gorosarriren Hiru Ataletako Alborada.
- Ramon Esnaolaren Ipañarrieta eta Goiko-Kale biribilketak. Armonizazioa Jose Ignazio Ansorenak egina.