Kantauriko eta Mediterraneoko isurialdeen banalerroaren 15. etapa antolatu du urriaren 19rako Urdaburu Mendizale Elkarteak. Ibilbidea Arantzazutik Marietako herrira izango da eta bidean Artia, Aumategi eta Mugarriluzeko gailurretatik pasako dira.

Irteera 7:30ean izango da Zumardiko autobus geltokitik eta zeharkaldia denera 6,5 ordukoa izango dela aurreikusten dute antolatzaileek.

Izena eman nahi dutenek elkartera jo dezakete astearte eta ostegunean 19:30etik 21:30era, edo 943 527879 telefonora hots egin, ordutegi berean.