Urtarrilaren 12an, igandean, Fanderia auzoan “Fanderiako VIII. Haur Krosa” burutuko da Fanderiako Erdiko Erreka auzo elkarteak antolatuta, Errenteriako CAR atletismo taldeak eta Errenteriako Udal Kirol Patronatuaren laguntzarekin.

Lasterketa 12:00etan hasiko da eta 7 eta 15 urte bitarteko haurrei zuzendua dago. Ibilbidea Fanderiako urbanizazioaren barruko aldetik izango da.

Antolatzaileek jakitera eman dutenez,  izen-emateak lasterketaren egunean bertan egin ahal izango dira 11:00etatik aurrera eta 2013ko San Silbestre lasterketan parte hartu zuten haurrek egun horretan erabilitako dortsal bera erabili ahal izango dute.

Mailak:

• Aurre-benjaminak (2006-2007an jaiotakoak ): 510 metro
• Benjaminak: (2005-2004an jaiotakoak): 510 metro
• Alebinak: (2003-2002an jaiotakoak): 840 metro
• Infantilak: (2001-2000an jaiotakoak): 1.350metro
• Kadeteak: (1999-1998an jaiotakoak): 1.680 metro