Inauterietako doinuak igandeko Txistularien Bandaren kontzertuan

txistularien kontzertuaIgandean, hilak 23, Txistularien Udal Bandak ohiko kontzertua eskainiko du Xabier Vesgaren zuzendaritzapean, 12:00etan, Herriko plazan.

Oraingoan inauterietako doinuak joko dituzte: Diana bi kontzertinentzat, Balsak, Habanerak, Kontradantzak, Iriyarena, Ihauterietako diana…  1910etik 1923ra bitarte Errenteriako Txistularien Udal bandaren zuzendari izan zen José Antonio Jauregik 1898an jasoak.

12:30etik aurrera, gainera, Telleri ikastetxeko guraso elkartearekin elkartuko da banda, modu bateratuan kaldereroen akanpada egiteko.