Gaur goizean egin da aurkezpena eta bertan izan dira Julen Mendoza Errenteriako alkatea, Fernando Nebreda Oarsoaldeako zuzendaria, Beñat Irasuegi OlatuKoopeko bazkidea eta Sergio Ekiza Oarsoaldeako kontseilaria. Honakoa izan da eskaini duten prentsaurrekoa:

Krisiak gogor kolpatu du Oarsoaldea eta Mendozak horri aurre egiteko sormena aldarrikatu dut.  Jardunaldien helburua Errenterian aldaketa sortzea dela aipatu du.  Eredu ekonomiko eta sozial berria eratzen laguntzea beharrezkotzat jotzen du. Eredu berri honek gizakiaren baloreak eta gizartearenak errespetatuko ditu modu etiko eta iraunkorrean. Halaber, hiritarrek ekintzailetza eta enpresaren eredu berriak ezagutarazi nahi lituzke.  Mendozak adierazi zuen giza balorrekin eta elkartasunarekin konprometitutako ekintzailetza eredua sustatu nahi dela, horrela gizarteari esker lortua gizarteari itzultzen baitzaio.

Irasuegik  esan zuen aspaldian asko hitz egin dela ekonomia solidarioaren inguruan, baina hitz egitea baino garrantzitsuagoa dela dakienari entzutea. Ekonomia bizia, gizartearen behar sozial eta ekonomikoetatik abiatuta egiten dena esan zuen eta Ekonomia Sozial Eraldatzailea sustatzea duela helburu. Sortzen den aberastasunaren banaketa justua lortzeko beharrezkoa da jakintzaren partekatzea bere ustez. Langileek enpresako erabakietan demokratikoki parte hartzek erraztasunak behar lituzketela ere uste du.

Nebreda, Oarsoaldeko kudeatzaileak, esan zuen ekonomiak ezin duela jarraitu orain arte bezala muga guztiak gainditzen eta ekintzailetza modu berri bat sustatu nahi duela Oarsoaldeak. Paradigma aldaketa honetarako eredu berriak bultzako dituztela eta baloreen aldaketan oinarritzen den eredu ekonomiko eta sozial berria sortzen lagundu nahi dutela.