Mikromatxismoen aurkako bertso-sorta batekin saria irabazi du Legorburuk

Berdintasuna | Kultura 2016-05-30 | 0

Iñigo Legorburu Iurretako bertso paper lehiaketanAsteburu honetan eman dituzte jakitera XIII.Iurretako literatura lehiaketako irabazleak, eta bertan, helduen bertsopaperen atalean Iñigo Legorburu gailendu da.“Mikromatxismorik ezta ere!!” bertso-sortarekin irabazi du saria Legorburuk. “Gure lurrean hedatua da” doinua erabilita, 8 puntuko 8 bertsoren bidez mikromatxismoaren barrunbeak arakatu ditu egileak. Horrela, ikastetxeetako patioak, parranda-giroa edo lan-mundua hizpide hartuta, mikromatxismoaren erradiografia bat egin du Legorburuk.

Kristina Mardaras bertsolari beteranoarengandik jaso zuen saria: 200 euro, eta bere lana zein Durangaldeko ikasleen beste lan sarituak biltzen dituen liburuaren hainbat ale.

Orotara, narratiba, bertso zein komikietako lan guztiak batuta; 413 lan aurkeztu dira lehiaketara eta bertsopaperen atalean; Bizkaiko bertsozale elkarteko kideak aritu dira epaile lanetan.

No comments yet.

Utzi erantzuna