Nerabeak (10-12 urte) itzultzaile lanetan jarriko dituzte gaur arratsaldean, azaroak 22, udal liburutegian. Euskararen Egunaren baitan herriko hainbat eragilek antolatutako ekimen sorta abiatu da, honenbestez. Gaurtik eta abenduaren 3ra bitarte ekintza desberdinak izango dira, eta haien artean, AsteBatZuk erronka, azaroaren 27tik abenduaren 3ra. Ahobizi edo Belarriprest izateko garaiz dabiltza oraindik interesatuak. Ekimen sorta Euskararen Egunean amaituko da, egun horretarako antolatutako egitarau bereziarekin. Gaurtik abenduaren 3ra bitarteko egitaraua beheko pdf-an kontsulta daiteke.