Urriaren 17an, asteazkenean, ‘Adin txikikoekin Whatsappa eta sare sozialak nola erabili kirol-esparruan’ informazio saioa eskainiko dute Galtzarabordako Udal Kiroldegian 18:00etatik 20:00etara. Saioa Kirolaren Euskal Eskolak antolatu du, Errenteriako Udaleko Kiroletako azpisailaren laguntzarekin, eta bereziki honako hauei dago zuzenduta: kirol entitateetako arduradunei, adingabeak dituzten kirol taldeetako entrenatzaileei, jarduera fisikoaren eta kirolaren zientzietako ikasleei eta oro har kirolean interesa duten pertsonei.
Saioaren edukiak
- Kirol esparruan teknologia digitalak erabiltzearen onurak eta arriskuak.
- Erabilera erregulatzen duten arau-alorrak.
- Kirol erakundeentzako marko etikoa: arauak, printzipioak, eta baloreak.
- Entrenatzaileen eta adin txikiko kirolarien arteko pakto digitala.
- Kirol erakundeetan erabilera egoki bat sustatzeko pausuak.
- Galdera-txanda.
Izen-emateak
Ikastaroa doakoa da, baina beharrezkoa da urriaren 15a baino lehen izena ematea: www.kiroleskola.net
Deskarga ezazu informazio-eskuorria hemen.