Bertan da Euskaraldia eta Errenteriako batzordeak egun horietarako egitaraua aurkeztu du prentsaurrekoan.
Gainera, ilusioa nabarmen dela azpimarratu dute, jende asko animatu dela parte hartzera. Halere, oraindik ere badago izena emateko aukera Euskaraldiaren web orrian.
Azaroaren 23an hasiko da Euskaraldia eta abenduaren 3a arte iraungo du, Euskararen Nazioarteko egunak emango dio, beraz, itxiera, nahiz eta batzordeak adierazi duen helburua dela euskararen erabilera sustatzea, eta ohiturak aldatzea, hortaz, ondoren ere lanketa horrek jarraitzea.
Orain arte ere egon dira ekimenak, besteak beste, ikastetxeekin batera egindako kanpaina edo formazio saioak. Azken horren harira, batzordekideek gogorarazi dute bihar, osteguna, izango dela azken formakuntza tailerra, Xenpelar Etxean, 19:30ean. Saioa irekia izango da.
Parte hartzaileen txapak, bai Ahobizienak eta baita Belarriprestenak ere, Udaletxean eta Lau Haizetara elkartean daude eskuragai. Azken hauen garrantzia, Belarriprestena, hain zuzen ere, nabarmendu dute, izan ere lotsa alde batera uzteko eta euskaraz aritzeko (edo entzuteko) aukera polita izango baita Euskaraldia.
EGITARAUA
AZAROAK 23
• Irekiera ekitaldia
18:30ean, Foru Plazan
AZAROAK 26
• ‘Euskal zinema’ mahai-ingurua
18:30ean, Reina Aretoan
José Luis Rebordinosen parte hartzearekin
AZAROAK 27-29
• ‘Gure gazteak itzultzaile handiak’
Eskolekin egiten den jarduera
AZAROAK 28
• ‘Euskara batuaren urrezko ezteiak: Mitxelena eta Txillardegi
18:30ean, Xenpelar Etxean
Fito Rodriguezen hitzaldia
AZAROAK 29
• Baga Biga
3. DBHko ikasleentzat.
Mikel Markez eta Eñaut Elorrietarekin euskal musikaren historia kantatua
• ‘Errementari’ filma
19:00etan, Niessen aretoan
Sarrera doan, agortu arte. Asteartetik aurrera Niessenen egongo dira eskuragai
AZAROAK 30
• Oarsoarrak sariak
19:00etan Merkatuzarren
ABENDUAK 2
• ‘Bost ateen bila´pista jolasa
11:00etan
Familia nahiz taldeentzat, aldez aurretik izena eman behar da turismo bulegoan
• ‘Kantuz euskaraldian’
12:00etan, Herriko plazatik abiatuta, herriko kaleetan zehar
Udal txistulari banda eta Kantujirako lagunekin
• ‘Herri jolasak’
12:00etan, Koldo Mitxelena plazan
Urdaburu elkarteak antolatuta
ABENDUAK 3
• ‘Mintzodromoa’ (Euskaltegientzat)
• Euskararen eguna. Itxiera ekitaldia
18:00etan Foru plazan
Mikel Markez, Mikel Albisu (Ze Esatek), Johnny Camacho (Sonakay), Musika eta Dantza Eskola eta herriko umeen parte hartzearekin
