Eskualdera etorri berri direnentzat euskara ikastaroa antolatu du Oarsoalsoaldeko Euskara Batzordeak

Oarsoaldeko Euskara Batzordeak herritar etorri berrientzako hastapeneko AISA euskara eskolak antolatu ditu eskualdeko lau herrietan udal euskaltegiekin eta AEKren euskaltegiekin elkarlanean. Oarsoaldeara munduko gainerako herrietatik etorri berri diren eta Errenterian, Lezon, Oiartzunen eta Pasaian erroldatuta dauden 16 urtetik gorako herritarrei zuzenduta dago.

Euskarazko lehen hurbilpena egin nahi da ekimen honekin. Eta modu honetan euskaltegietako hurrengo urratsak emateko bultzada erraztu. Ikastaroa laburra izango da, 60 ordukoa. Otsailaren 25ean hasi eta ekainaren 21ean bukatuko da eta asteko lau orduko erritmoan. Astean bi orduko bi saio jasotzeko aukera izango da, edota larunbat goizetan lau orduko saioa egitekoa. Eskolak eskualdeko udal euskaltegietan eta AEKren euskaltegietan emango dira (Errenteriako Xenpelar AEK, Lezoko Oroitzene AEK, Oiartzungo Intxixu AEK eta Pasaiako Txirrita AEK), baina lekua aldatzeko aukera ere izango da, hala nahi bada.

Izen-ematea

Otsailaren 15era arte izango da aukera (azkena barne). Horretarako nork bere herriko Udalaren euskara zerbitzura joan beharko du:

◦ Errenteriako Euskara Zerbitzua 943 449 613 (Herriko enparantza z/g)

◦ Lezoko Euskara Zerbitzua 943 513 476 (Donibane kalea 2)

◦ Oiartzungo Euskara Zerbitzua 943 493 842 (Fermiñene etxea. Aialde, 2)

◦ Pasaia: HAZ, Herritarren Arreta Zerbitzua 943 344 034

Donibane: Donibane kalea 19

Trintxerpe: Euskadi etorbidea z/g (alkateordetza)

Antxo: Hamarretxeta kalea 24

Matrikularen prezioa 5 eurokoa izango da eta matrikularen kostuari aurre egiteko laguntzei buruzko informazioa galdetzeko gomendatu dute antolatzaileek. Gainera, ikasturte amaieran, ikasturtearen “aprobetxamendu egokia egin duten ikasleek” ikastaroa egin izanaren agiri bat eskuratuko dutela jakinarazi dute.