Atsolorra filmaren zuzendari Rubén Rosas euskal zinemagintzaz eta bere esperientzia propioaz mintzatuko zaie datozen egunetan Oarsoaldeko euskaltegietako ikasleei, Mintzagun egitasmoko tailerretan. Atsolorra film-laburrak IKUSKAren azken edizioko euskarazko film onenaren Mintzagun saria irabazi zuen.

Ikasturtero sei gai jorratzen dira Oarsoaldeko Euskara Batzordearen Mintzagun egitasmoko tailerretan. Gai bakoitzarekin tailer bana egiten da eskualdeko sei euskaltegietan. Ordu eta erdiko iraupena izan ohi dute saioek eta horien helburua gai erakargarri, berri eta gaurkotasunekoak euskaraz eskaintzea da. Hala, ikasle horien bizipenetan gai hori beti euskaraz ageriko da lehen kolpean behintzat. Edozein gai euskaraz jorra daitekeela eta ikasleak ulertzeko gai direla ohartaraztea ere helburu nagusien artean daude besteak beste.

Saioak honako toki eta egunetan izango dira:

Otsailak 18
Non: Txirrita AEK (Pasai Antxo)
Ordua: 19:00 – 21:00

Otsailak 20
Non: Xenpelar AEK (Errenteria)
Ordua: 20:00 – 22:00

Otsailak 26
Non: PUE (Pasaiako Udal Euskaltegia)
Ordua: 17:00 – 19:00

Otsailak 27
Non: Oroitzene AEK (Lezo)
Ordua: 18:00 – 20:00

Otsailak 28
Non: Intxixu AEK (Oiartzun)
Ordua: 16:00 – 18:00