Udalak diru-laguntza garrantzitsuak jaso ditu eraginkortasun energetikoko eta energia berriztagarrietako proiektuak finantzatzeko

Energia berriztagarriak | Ingurumena | Jasangarritasuna 2019-09-26 | 0

2019an Udalak hainbat erakundetik —EEE, GFA, IDAE— 318.561,53€-ko diru-laguntza jaso du argiteria publikoaren eraginkortasun energetikoa hobetzeko eta energia berriztagarrietako proiektuak aurrera eramateko.

Proiektuen helburuak energia aurreztea eta ordezko energia-iturriak erabiltzea dira, eguzkiarena kasu honetan, dira.

Eraginkortasun energetikoari dagokionez Alaberga Behekoa, Galtzaraborda, Iztieta eta Esnabide auzoetan eta Txirrita-Maleo industrialdean argiteria publikoan argiztapena hobetzeko eta energia kontsumoa murrizteko argiztapen-sistema adimendua jarri da.

Argiztatze sistema berriarekin egungo kontsumoaren %76.64ko murrizketa lortzea aurreikusteaz gain, aurrezki ekonomikoa eta urtean 136.771kgCO2 isurtzea saihestuko da.

Proiektuaren kostu totala 572.621,85€-koa izan da eta 293.403,38€ —%51.23— Energiaren Euskal Erakundeak (EEE) eta Gipuzkoako Foru Aldundiak (GFA) emandako diru-laguntzen bidez finantzatu da.

Bestalde, proiektua garatzeko mailegu itzulgarria jaso du udalak — interesen zenbatekoa zero da eta 10 urte barru itzultzeko — IDAE-ren laguntza-programaren baitan eta baita europar komunitateko funtsen bidez –FEDER funtsak izenekoa -.

Bestetik, udazkenean autokontsumorako plaka fotovoltaikoak jarriko dira Lekuona Kultur Zentroan. Eguzki-plaken instalakuntzari esker urtero 36.960 kwh energia ekoiztea aurreikusten da, urteko aurrezpen ekonomikoa 2.607€-koa izanik.

Instalazioak 23.158,15€-ko diru-laguntza jaso du EEE eta GFA-tik — 37.361,81€ kostu totalaren %62a — eta laguntzari esker 5 urte eta erdi baino gutxiagotan amortizatuko da.

Udalaz gain, Errenteria Musikal erakundeak 3.468€ko diru-laguntza lortu du EEEtik, eraikinaren barruko argiztapena eraginkorragoak diren LED motatako argiteriarengatik ordezkatzeko.

Jarduketa hauekin aurrerapauso handia egin da Errenteriako Energia Iraunkorrerako Ekintza Plana (EIEP) gauzatzeko bidean.

No comments yet.

Utzi erantzuna