Errenteriako udal kirol instalazioen itxierak eragindako abonatuek eskubidea daukate epe horretan jaso ez duten zerbitzuarengatik konpentsazioa jasotzeko (zenbatekoaren itzulketa edo abonua luzatzea).
Kasu bakoitzean jarraitu beharreko prozedura honako hau da:
HARPIDETZA AKTIBOAREKIN JARRAITZEN DUTEN PERTSONAK (BAJA EMATEN EZ DUTENAK)
Hileko harpidetza
Uztaileko harpidetza-kuotan automatikoki deskontatuko da martxoko itxiera-egunei dagokien zati proportzionala.
Urteko ordainketak / 4 Plana
Urteko ordainketak dituzten erabiltzaileek uztailaren 31ra arteko epea izango dute itxiera-egunei dagokien kuotaren zati proportzionala itzultzeko eskatzeko.
Itzulketa ez bada uztailaren 31 baino lehen eskatzen, indarreko urteko ordainketaren indarraldia itxiera-aldia beste horrenbeste luzatuko da.
Kuotaren zati proportzionala itzultzeko eskatzeko, formulario hau bete beharko da: Konpentsazioak eskatzeko formularioa.
Fitness kuota
Uztaileko abonu-kuotatik automatikoki deskontatuko da martxoko itxiera egunei dagokien fitness-kuotaren zati proportzionala.
Haurrentzako jarduerak
Uztaileko abonu-kuotatik automatikoki deskontatuko da martxoko itxiera egunei dagokien haurrentzako jardueren kuotaren zati proportzionala.
Helduentzako jarduerak
Uztaileko abonu-kuotatik automatikoki kenduko da helduentzako jardueren zati proportzionala, martxoko itxiera egunei dagokiena.
ITXIERA-ALDIAN BAJA EMAN DUTEN PERTSONA ABONATUAK
Martxoaren 14tik uztailaren 5era bitartean kirol-instalazioetan baja eman duten pertsonek itxiera-aldian baliatu ez dituzten zerbitzuen zati proportzionala itzultzeko eskatu ahal izango dute. Horretarako, honako formulario hau bete beharko dute: Itzulketak eskatzeko formularioa: Konpentsazioak eskatzeko formularioa
Kasu guztietaran itzulketa horiek eskatzeko epea 2020ko uztailaren 31n amaituko da.