Gipuzkoako Foru Aldundiak eta Gipuzkoako Ehiza Federazioak jakinarazi duten bezala, Errenteriako Udalak gogorarazi du martxoan zehar, orotara, ehiza larriko 4 uxaldi (basurdea eta orkatza) burutuko direla Errenteriako mendietan. Ehiza-garaia hasi zenetik beste hogei uxaldi izan dira, abendua eta otsaila bitartean, hain zuzen. Martxoan ondorengo egun eta eremuetan izango dira uxaldiak:
- Martxoak 6: Untzaundi-Akola
- Martxoak 13: Susperregi-Izeneder
- Martxoak 20: Igantzi-Aparrain
- Martxoak 27: Landarbaso-Izeneder
Azkenik, Udalak gogorarazi nahi du mendizaleen eta baserrietako ondasun zein jabetzen zaintza bermatzeko, behar diren segurtasun- eta babes-neurriak mantentzea derrigorrezkoa dela. Era berean, pandemia dela eta ezarritako prebentzio-neurriak ere betetzeko deia egiten du.