LAGUNTASUNA K.E.ak antolatuko 2021 Errenteria Hiria Sariaren XXXV. edizioa dela eta, Udaltzaingoak trafikoari buruzko zenbait neurri ezarri ditu martxoaren 28an.

Zirkulazioaren gaineko neurriak

Martxoaren 28ko (igandea) 16:00etatik 19:30era bitartean trafikoa puntualki eten egingo da, Castilla La Manchako biribilgunetik (Renfe) Lartzabaleko biribilguneraino.

Mozketarik luzeenak Galiziako biribilgunetik Matxaingo biribilguneraino 16:00etatik 16:30era (lasterketaren hasiera) eta 18:00etatik 19:00etara (lasterketaren etorrera) egindakoak izango dira. Gainerako mozketak laburragoak izango dira eta pelotoia pasatzen denean izango dira, 17:00ak, 17:30 eta 18:00ak aldera.

Beharrezkoak ez diren itxaronaldiak saihesteko, gidariei eskatzen zaie ordutegi horiek kontuan har ditzatela eta ordezko bideak erabil ditzatela Nafarroako hiribidera joateko, eta N-1 errepidea (saihesbidea) eta Erdialdeko kaleak erabiltzea gomendatzen zaie auzoetara sartzeko.

Nafarroako etorbidean kaltetutako eremuan dauden garajeetan aparkatzen dutenek kasu horietan erabili ohi diren sarbideak erabili beharko dituzte.

Garraio publikoa

Galiziako biribilguneko U7 hiri-linearen geralekuak, Zumardia eta Touring etorbidetik 15:45etik 19:30era bertan behera geldituko dira.

Zumardiko, Gabierrotako eta Lartzabaleko E02 eta E27 hiriarteko lineak ere bertan behera geratuko dira 15: 45etik 19:30era.