Jesus Mari Zamora eta Jon Bautista futbolari errenteriarrak omendu dituzte

Kirola 2021-05-01 | 0

Jesus Mari Zamora eta Jon Bautista futbolariei omenaldia egin zieten atzo Fanderiako futbol zelaian. Ekitaldian parte hartu zuten Jesus Mari Zamorak, Jon Bautistaren gurasoek, Aizpea Otaegi alkateak, Maite Gartzia Kirol zinegotziak, Kiroletako azpisaileko Jexux Mari Ertzibengoa dinamizatzaileak, Iñigo Susperregik eta Touring, Beti Ona eta Orereta Kafe klubetako ordezkariek.

Hona Maite Gartziak eskaini zizkien hitzak:

“40 urte geroago ere, zale txuri urdinek, Jesus Mari Zamora Errenteriarraren gola izan zela gogoratzen dute. 1981eko apirilaren 26a beti egongo da edozein txuri urdinen bihotzean, REALAren historia aldatu zuen eguna delako. Donostiarrek futboleko golik ospetsuenetako bat lortu dute, Zamorak Molinonen sartu zuen gola, 89. minutuan.

“Olaizolak Alonsori egindako pasea. Alonsoren zentroa. Castrok salto egingo du. Baloia Gorrizen gainera iritsiko da. Gorrizen tiroa. Adi, Zamorak pilota dauka, bota eta GOLLLL “.

Bere golak jende asko zoriontsu egin zuen gola sartu zuenean, baina REALAren historiarako zer suposatu zuen pentsatzerakoan, lau hamarkada geroago eragin bera izaten jarraitzen du.

Berrogei urte geroago, Reala berriro izan da txapeldun, oraingoan Kopan. Oso berri dugu Realak bere zaleei eman dien poza, Jon Bautista, taldeko aurrelari errenteriarra-rekin, (CD Touringen eman zituen lehen urratsak futbolean), Athletic-en aurka kopako titulua eskuratu ondoren. 34 urte ziren Realak trofeo hau irabazi ez zuela, eta 2019-2020 denboraldiko finala jokatzeko sailkatu ondoren, ezin izan zen jokatu pandemiaren ondorioz. Kontuan hartuta beste finalista Athletic zela eta urte oso bat itxaron behar izan dela 2021eko apirilaren 3an jokatutako finala jokatu arte, garaipena modu berezian ospatu da (eta ziur denbora luzez ospatzen jarraituko dela) bi zaleen arteko lehia osasuntsuarengatik.

Gaur, Jesus Mari Zamora eta Jon Bautistaren familia (berak ezin izan du egon, COVID protokoloarengatik) elkartu ditugu omenaldi txiki bat egiteko, lehen ligaren 40. urteurrena eta duela aste gutxiko kopa lortu zenekoa ospatzeko.
Zorionak bioi, eta eskerrik asko Errenteriako milaka eta milaka jarraitzaileri kirolaren bidez eta, bereziki, futbolaren bidez helarazten diezuen zorionagatik”.

Gainera, Gartziak esan zuen omenaldia Iñigo Susperregi errenteriarrari esker egin zela hein handi batean, izan ere, bera jarri zen Udalarekin harremanetan, aurten Zamoraren gol ospetsu hura gertatu zela 40 urte betetzen zirela gogoratzeko eta nolabait omenaldia egin ziezaiotela proposatzeko.

Bestalde, Zamorak irabazitakoan izandako anekdota gogoratu zuen; izan ere, ospakizunetan orduak eman ondoren Donostiako Udaletxean zirela, Errenteriako Udaltzaingo bertaratu zen eta esan zien jende mordoa zegoela Eliseo Murilloren eta bere zain Errenteriako Udaletxean, eta Udaltzaingoaren autoan ekarri zituzten. Era berean, oso eskertuta agertu zen atzoko omenaldiagatik, izan ere, “Zure herriak horrelako zerbait egitea da gerta dakizukeen gauzarik handiena”.

Jon Bautistaren gurasoek ere omenaldia eskertu zuten semearen izenean.

Aizpea Otaegi alkateak adierazi zuen zortea izan dela Errenteriak ordezkaritza izatea Realaren bi une historikotan, esaterako, 1981eko Ligako garaipenean eta duela aste batzuk Kopako garaipenean, eta, ondorioz, oso modu berezian bizi izan ditugula gertakariak. Azkenik, bi oparitxo eman zizkien: ‘Errenteria 700.Ahotsak. Herri bat ulertzeko elkarrizketak / Conversarciones’ liburua eta Idoia Lizeaga artistaren lore zentroa. Gainera, Kopako finalaren aurreko egunetan Zumardiko kioskoa apaindu duen bandera txuri-urdina eman zien Bautistaren gurasoei.

No comments yet.

Utzi erantzuna