Osasun Agintaritzak ezarritako edukiera berriak indarrean jarri eta Fanderiako igerilekuak berriro ireki ondoren, irailaren 27tik aurrera ez da beharrezkoa izango udal kirol-instalazioetara sartzeko aurretiko hitzordua eskatzea igerilekuetan, zein Galtzarabordako eta Fanderiako fitnes-zentroetan.
Halaber, desagertu egiten da kirol-instalazioetan egoteko gaur egun dagoen denbora-muga.
Nolanahi ere, erabiltzaile guztiei honako araudi hau betetzeko eskatzen jarraitzen du Udalak:
Araudi orokorra
• COVID-19rekin bateragarriak diren sintomak, sukarra, eztula edo arnas sintomak badituzu, ez joan kirol-instalazioetara. Galdetu zure osasun-zentroan.
• Maskara uneoro erabili behar da, igerilekuetan bainatzerakoan eta dutxatzeko unean izan ezik.
• Etxetik kirol-arroparekin joatea gomendatzen da, dutxen eta aldagelen erabilera mugatzeko.
• Garbitu eskuak sarreran egongo den banagailuan aurkituko duzun gel hidroalkoholikoarekin, eta desinfektatu oinetakoak horretarako jarritako alfonbretan.
• Instalazioan zirkulatzeko, eskuineko aldetik joan eta ez gelditu korridoreetan.
• Mantendu gainerako erabiltzaileekiko 1,5 metroko gutxieneko segurtasun-tartea.
• Adingaberen batekin joanez gero, zaindu eta eskatu prebentzio-neurriak bete ditzatela.
• Bete instalazioak erabiltzeko arauak eta gomendioak, eta errespetatu langileen jarraibideak.
Aldagelak erabiltzea
• Armairuak, aldagelak eta dutxak erabil daitezke, baina betiere beste erabiltzaileekiko 1,5 metroko segurtasun-tartea mantenduz.
• Errespetatu aldagelen gehieneko edukiera, sarrerako ate bakoitzean seinaleztatuta dago.
• Aldagelen barruan, erabili eremuetako bat (sektorizatuta eta zenbakituta egongo dira) aldatzeko.
• Dutxak erabiltzea baimenduta dago, baina erabiltzeko seinaleztatutakoak baino ezin dira erabili.
Eusko Jaurlaritzak ezartzen dituen osasun-bilakaeraren eta araudian egin daitezkeen aldaketen arabera, sarbide-murrizketak berrezarri ahal izango dira.