‘Euskal Herria Digitala, Ziberburujabetzara bidean’ jardunaldia antolatu dute ostiralerako

IKT 2021-10-11 | 0

Ostiralean garapen teknologikoak demokrazian, lan munduan, hezkuntzan eta humanitatean izan dezakeen eraginari buruz hausnartzea helburu duen jardunaldia izango da. Izan ere, antolatzaileek adierazi dutenez, “Azken hamarkadetan bizkortu egin dira sistema kapitalistaren egiturazko zenbait fenomeno, finantza-globalizazioa, lanaren prekarizazioa, demokraziaren pribatizazioa, berotze globala… Testuinguru horretan gainera, jauzi kualitatibo bat gertatu da garapen teknologikoan.

Bilakaera hori soilik elite finantzarioaren alde egon ordez, jendartearen zerbitzura jar dadin, IPES, OLATUKOOP, TEKS, IPAR-HEGOA, MANU ROBLES ARANGIZ eta IRATZAR Fundazioetan iruditzen zaigu digitalizazioaren egungo estadioaren inguruko eztabaida publiko serio bat hasteko unea dela”.

‘Euskal Herria Digitala, Ziberburujabetzara bidean’ izenburupean, jardunaldia urriaren 15ean, ostirala, izango da, arratsaldeko 16:00etan, Lekuona Fabrikan.
Jardunaldiari hasiera emateko, Euskal Herria digitala manifestua aurkeztuko dute, Gorka Julio (Talaios Koop) eta Idoia Zengotitabengoa (Iratzar Fundazioa) sustatzaile guztion izenean.

Ondoren, Ekaitz Cancelak (Ikertzailea eta saiogilea) “Salidas políticas al capitalismo digital” ri buruzko hitzartzea eskainiko du, jarraian Cecilia Bayok (Grupo de madres y padres aliados con Xnet para la democratización digital de las escuelas)”Privacidad de datos y digitalización democrática de los centros educativos: El plan piloto de Xnet como iniciativa de la sociedad civil organizada” eta bukatzeko Jaione Martinezek (Skura kooperatiba bazkidea langilea eta Teks elkarteko kidea “Teks elkartearen aurkezpena: Teknologia libreak. Sortu, sustatu eta saretu”.

Jarraian, demokrazia digitala, hezkuntzaren digitalizazioa, humanitate digitalei lana eta robotizazioari buruz hausnartzeko, lan taldeak osatuko dira.

Oharra: Jardunaldian parte hartzeko izen ematea eskatzen dugu, horretarako euskalherriadigitala.eus -en zintzilikatuta dagoen formulario bete egin behar da.

Egitaraua euskalherriadigitala.eus -en zintzilikatuta dago.

No comments yet.

Utzi erantzuna