Egitarau zabal eta bateratua Euskararen Egunaren harira

Euskara | Kultura 2021-11-19 | 0
Aurkezpenean honako hauek parte hartu dute: Lau Haizetara elkartetik: Iker Gomez, Unai Oiarzabal, Josu Arizmendi, Xixilio Maritxalar, Ane Gil, Joxean, Mikel Azkarate; Edurne Arrieta, Udal Euskaltegia; Arantxa Zabala eta Joxe Mari Jauregi udal teknikariak; Josu Ostolaza, Xenpelar Euskaltegia; Jonathan Sedeño, Oz Zinema; Beñat Raya Yusta, Herri Arte Eskola; Goiatz Oiarzabal, Badalab; eta Itziar Ostolaza, Udal Hizkuntza Politika zinegotzia.

Errenteriako Udalak, herriko zenbait eragilerekin lankidetzan, euskararen eguneko egitarau bateratua antolatu du, aurten ere. Aurten Euskaraldiak atseden hartuko badu ere, euskarak ez du atsedenik eta euskaraz aritzeko une zein guneak jarri nahi izan ditu herritarren eskura, programazio eskaintza anitzaren bidez.

Egitaraua azaroa eta abenduan zehar luzatuko da eta doakoa izango da. Hala ere, aforoak zaintze aldera, https://sarrerak.errenteria.eus/ helbidean izena ematea beharrezkoa izango da ekintzetan parte hartzeko.

Egitarau bateratua:

  • Azaroak 19, 20, 26 eta 27

19:00 Xenpelar Etxea

XXV Xenpelar saria.

Antolatzailea: Xenpelar Bertso eskola

Xenpelar Bertso eskolak Xenpelar sariak antolatzen ditu eta azaroan zehar sariketa honetako kanporaketak emango dira.

  • Azaroak 26

19:00 Niessen kultur aretoa

Oarsoarrak Sariak

Antolatzailea: Oarsoaldeako euskara batzordea

Urtero euskararen inguruko praktika onak saritzen dira bailaran eta aurten Pello Jauregi, Kuadrillategiren sustatzailea eta Labore kooperatiba izan dira hautatuak.

  • Azaroak 29

19:00, Lekuona fabrika

Herriko hizkuntzen mapa

Antolatzailea: Errenteriako Udala

Udalak Soziolinguistika klusterrari eskatutako lanaren aurkezpena, Belen Urangaren eskutik. Errenteriako hizkuntzen aniztasuna zein den eta herrian zehar nola banatzen den azalduko da, besteak beste.

  • Azaroak 30

10:00 eta 16:00, Jose Luis Caso aretoa

Mintzodromoa

Antolatzailea: Lau Haizetara

AEK eta Udal Euskaltegiko ikasleak bilduko dira euskara praktikatzeko. Euskaltegietako ikasleez gain nahi duen herritar oro gonbidatuta dago saio hauetara.

  • Azaroak 30

19:30, Niessen zinemak

‘Paperezko hegoak’ dokumentala

Antolatzailea: Oz Zinema

Bertan Egunkariaren itxieraren inguruko informazio zabala eskainiko.
“Nola sukaldatu zen Euskaldunon Egunkariaren aurkako operazioa? Zer dela eta erabaki zuen Estatuak haren kontra jotzea? Zer bilatzen zen euskalgintza mugimenduko pertsona ezagun eta prestigiotsuak atxilotu, torturatu eta publikoki umiliatzean? Zergatik itxi zuen Guardia Zibilak euskarazko egunkari bakarra?”

  • Abenduak 1

19:00 Xenpelar etxea

Hitzaldia: ‘Zeinek esango zigun’

Antolatzailea: Errenteriako Udala

Beatriz Gallego antropologoak Bilduma herri aldizkarirako egin duen lana aurkeztuko du. Lan hau, Beatrizek hasierako gau eskoletatik hasi eta 1985 bitartean euskara ikasten eta irakasten aritu zen jendearekin hitz egin ondoren egindako lana da.

  • Abenduak 2

9:00 Lekuona fabrika

‘Bihotz handiegia’ Liburuaren irakurraldi jarraitua

Antolatzailea: Errenteriako Udala

Goizeko 9:00etan hasita, eguerdira arte Eider Rodriguezen liburu honen irakurraldi jarraitua egingo da. Hiritar guztiak gonbidatuak daude jarduera honetara, nahi duen orok izena eman dezale euskara@errenteria.eus azaroaren 26 a bitartean.

  • Abenduak 2

18:00 Lekuona fabrika

BADALAB

THE FUTURE GAME, Bihar zer? #denbora-bidaia

‘The Future Game, bihar zer?’ gazteen artean egindako etorkizunari buruzko makro-inkesta da. 10.000 gazte baino gehiagoren parte-hartzea lortu ondoren, ‘2050 Esperientzia’ martxan da, non 100 gazte 4 astez elkarlanean dabiltzan.

#denbora-bidaia gazteen arteko topaketa irekia da. Abenduaren 2an, Lekuonan, etorkizunari buruz ikuspegiak elkar trukatu eta 2050ko kuadrillak nolakoak izan daitezkeen irudikatuko dugu. Lagun talde askotarikoagoak? Botiloi jasangarriagoa? Harreman, hizkuntza eta identitate fluidoagoak? NOLA?

  • Abenduak 4, 12:00

Kantujira Udal Txistularien Bandaren laguntzarekin.

Antolatzailea: Lau Haizetara eta Errenteriako Udala

Kantujiraren ohiko bidea:

– Herriko plaza

– Biteri kalea (Paki denda aurrean)

– Xabier Olaskoaga plaza.- Foru plaza

– Herriko plaza

Euria egingo balu Xabier Olaskoaga plazaren aterpean.

  • 20:00 Lekuona fabrika

Kontzertua: Kai Nakai eta Skakeitan

  • Abenduak 3: Euskararaen Eguna

Euskararen egunean bertan zenbait ekimen antolatu dira.

  • 18:00 Koldo Mitxelena ikastetxeko Markola eraikinaren jolas-tokian

Familia Jolasean egitasmoa

Familian jolasteko saio berezia. (LH6 arteko haurrei eta horien gurasoei zuzendua).

  • 18:00 Foru plazan

Kuadrillategi egitasmoa

Aurpegien margoketa eta karaokea.

(Haur eta nerabeentzat)

  • 18:00 Xabier Olaskoaga plaza

Herri Arte Eskola kantuz jalgi plazara

Arte eskolak euskal kanta tradizionalak abestuko ditu musikaren laguntzaz

  • 19:00 Niessen kultur aretoa

Bertso saio literarioa

Gai jartzailea Oier Gillan izango da eta bertsolariak Julio Soto eta Alaia Martin.

  • Lur Korta ipuin kontalaria

17:30 3-5 urteko haurrentzat

18:20 6-8 urteko haurrentzat

Lekuona fabrikan egingo du ipuin kontaketa

Ikastetxe eta euskaltegiekin egitaraua

Herritarrei irekia den egitarau horretaz gain, ikastetxeekin zein euskaltegiekin zenbait ekimen programatu dira:

  • Azaroak 15 eta 17

Baga biga

Ikastetxeetan DBH 3ko ikasleei zuzenduta Baga biga saioak emango dira Mikel Markez eta Eñaut Elorrieta musikarien eskutik. Saio hauetan euskal musikagintzaren historia kontatuko diete gazteei eta zenbait abestirekin lagunduko dute saioa.

  • Azaroak 15, 16, 17, eta 18

Gure gazteak itzultzaile handiak.

Herriko neska-mutilek hizkuntzen inguruan hausnar dezaten eta harekin jolas egin dezaten. Izan ere, itzulpengintzara hurbiltzea du helburu tailerrak: zer den, nork egiten dituen, nola… Patxi Zubizarreta eta Fernando Rey izango dira saio hauen gidari.

  • Azaroak 16, 10:00

Nora

Azaroaren 16an Lara Izagirreren filma emango dute euskaltegietako ikasleei zuzendua.

No comments yet.

Utzi erantzuna