Cristobal Gamon ikastetxeko patioetako bat estaliko duen egitura eraikitzeko lanak hasi dira eta gaur goizean Aizpea Otaegi alkateak eta Eneko del Amo Hirigintza zinegotziak obra-bisita egin dute. Bertan, obraren arduradunak eta udal arkitekto batek lanen egoeraren berri eman diete.

Patio hori estaltzeak aukera emango du aire zabalean eskolak, kirol-jarduerak eta beste edozein ekitaldi garatzeko, eguraldia txarra izan arren. Gainera, gainontzeko bizilagunek ere espazio hori erabili ahal izango dute eskola-orduetatik kanpo.