Ukrainako pertsonentzako laguntzaren jasoketa errazteko, astelehenetik aurrera elikagaiak eta jarraian zehazten diren bestelako baliabideak biltzeko gune bat jarriko dute Udaletxeko sarreran. Postua irekita egongo da astelehenetik ostiralera, 11:00etatik 13:00etara.
Jasoko diren elikagaiak eta bestelakoak:
• Janaria: Haurren janaria eta janari azkarra (sukaldatu behar ez dena, adibidez, latak eta barritak). Ez da kristalezko ontzirik jasoko.
• Bestelakoak: pixoihalak, haurrentzako toallatxo hezeak, lo zakuak (normalak eta hotzaren kontrakoak), esterillak eta botikak.
• Ez da arroparik jasoko.
Ekimena Ukrainako gatazkaren harira sorturikoa izan arren, Udalak deialdia zabaldu dio konflikto egoeran dauden pertsonekin lan egiten duen edozein eragileri ere. Horretarako, erakundearekin harremanetan jartzera gonbidatu ditu.