Errenteriako Udalak Talka Bulego berria jarri zuen martxan iaz, pertsona autonomoei, negozioei eta enpresei doako orientazio- eta aholkularitza-zerbitzu bat eskaintzeko, bereziki merkataritzari, ostalaritzari, zerbitzuei, kulturari eta abarri begira. Zerbitzua Covid-19ak tokiko ekonomian eragindako ondorioei aurre egiteko garatu ziren ekintza guztietako bat izan da eta Oarsoaldea Garapen Agentziaren bidez eskaintzen da, Gipuzkoako Foru Aldundiko Ekonomia Sustapen Sailaren laguntzarekin.
Talka Bulegoaren bidez, lehen urte honetan hainbat sektoretako 48 enpresa baino gehiagori eman zaie laguntza. Horrela, udalerriko sare ekonomikoari babesa emateaz gain, enpresei diagnostiko bat eginez, zein eraldaketaren gakoak emanez eta martxan jartzeko ekintza-proposamen bat eginez, egindako lanari esker, haien egoera eta beharrak hurbilagotik ezagutu ahal izan dira, eta Talka Bulegoak enpresentzat egiten dituen jarduerak eta zerbitzuak bideratu dira.
Zerbitzua erabili duten negozio gehienak merkataritzaren, zerbitzuen, sormenaren eta teknologiaren sektorekoak dira, baina ostalaritza, industria, elikadura eta turismo enpresei ere lagundu zaie.
2022an, Talka Bulegoak sektore ekonomikoen jarraipena egiten jarraitzen du, gertakariek enpresen lehiakortasunean duten eragina aztertuz, establezimenduei lagunduz eta biorientatzeko jarduerak babestuz.
Halaber, Talka Bulegoa Suspertuz bulego-sarean sartuta dago, helburu berarekin Oarsoaldea eskualdeko gainerako udalerrietan martxan jarri diren bulegoak.
Talka Bulegoaren zerbitzuak erabiltzeko gonbidapena
Errenteriako Udalak enpresak eta autonomoak animatu nahi ditu zerbitzu eskaera egin eta aldaketa prozesua abian jartzera.
Talka Bulegoa Errenteriako Turismo Bulegoaren espazio berean dago kokatuta, Madalen kalea 3 zenbakian, eta irekita dago asteartetik larunbatera 10:00etatik 14:00etara eta 16:00etatik 18:00etara. Uztailean eta abuztuan arreta ordutegia astelehenetik ostiralera, 09:00etatik 14:00etara eta 16:00etatik 19:00etara izango da.
Zerbitzuaren eskaera bide hauetatik ere egin daiteke:
• 943 494 129 telefonoan
• Talka Bulegoa bulegoan, lehen aipatutako ordutegian
• Web-orri honen bidez: https://www.oarsoaldea.eus/enpresentzako-zerbitzuak/zure-enpresaren-ekonomia-suspertzeko-doako-diagnostikoak
Pertsona langabeak kontratatzeko laguntzak
Era berean, enpresei laguntzeko eta, aldi berean, enplegua sustatzeko, aurkezpenean gogorarazi dute negozioek eta enpresek pertsona langabeak kontratatzeko laguntzak jaso ditzaketela, Berpiztu programaren “Laneratzeko poloa” proiektuaren barruan.
Laguntza horren helburua da enpresei laguntza ekonomikoa ematea Oarsoaldean erroldatuta dauden eta enplegu-eskatzaile gisa izena emanda dauden 96 langabeturen kontratazioa errazteko.
Laguntza garrantzitsua da, izan ere, kontratazio berri bakoitzeko 6.000 eurorainoko dirulaguntza jaso ahal izango baita. Kontratazioek gutxienez 6 hilabeteko iraupena izan beharko dute, lanaldi osoan. Informazio guztia esteka honetan kontsulta daiteke.
