Datorren astelehenean hasiko da udako denboraldia Fanderiako eta Beraungo udal-igerilekuetan

Kirola 2022-06-16 | 0
Beraungo igerilekua

Datorren astelehenean, ekainaren 20an, hasiko da udako denboraldia Fanderiako eta Beraungo udal-igerilekuetan, eta irailaren 11 arte luzatuko da bietan.

Errenteriako udal kirol instalazioetan abonaturik dauden bazkideek bi instalazio horietarako sarrera abonamenduaren barne dute. Era berean, instalazioetara sartu ahal izango da eguneko sarrerekin, 5 sarrerako bonuekin, zein udako denboraldian bi instalazioetara sartzeko aukera ematen duten bonu bereziekin.

Beraungo igerilekuaren ordutegia

Beraungo igerilekuaren ordutegia hau da: 10:30etik 21:00etara.

Aldaketak Fanderiako igerilekuan eta Galtzarabordako kiroldegian

Fanderiako igerilekua

Fanderiako igerilekuen ordutegia ere aldatu egiten da udan, eta 9:00etatik 22:00etara daude zabalik asteko egun guztietan, igande eta jai-egunetan barne. Bestalde, Galtzarabordako kiroldegiko igandeetako ordutegia 8:00etatik 14:00etara izango da, ekainaren 19tik irailaren 11ra arte, biak barne.

Informazio gehiago nahi izanez gero, Fanderiako instalazioetako (943 344 423) eta Beraungo igerilekuetako (943 449 698) harreretan eska daiteke.

 

No comments yet.

Utzi erantzuna