Aurten ere mendiko argazki lehiaketa antolatu du Urdaburu Mendizale Elkarteak, Jesus Hospitalerren oroimenez.

Lanak aurkezteko epea urriaren 20a arte egongo da zabalik, eta parte hartzeko arau hauek ezarri ditu elkarteak:

• Lanak aurkezteko epea 2022ko irailaren 20an hasi eta urriaren 20an amaituko da.

• Lehiaketa zabalik dago argazkigintza gustuko duen eta profesionala ez den euskal herritar ororentzat (EAE, Nafarroa eta Iparraldea).

• Parte-hartzaileek gehienez 3 argazki bidali beharko dituzte formatu digitalean.

• Parte-hartzea doakoa da.

• Gaia: “Kirol ekintza mendian”

• Argazkiak euskarri digitalean (CD, DVD, Pen-drive) aurkeztu beharko dira Urdaburu M.E.ren egoitzan -Juan de Olazabal 23 helbidean-, astearte eta ostegunetan 19:00etatik 21:00etara. Bestela, elkarteko posta elektroniko helbidera, urdaburu.mendi@gmail.com bidali ahal izango dira.

• JPG formatuan dauden argazkiak soilik onartuko dira.

• Bi karpeta bidali edo aurkeztu beharko dira. Batek, argazkiak eta haietako bakoitzarentzat titulu bat edukiko ditu. Besteak, “Egilearen identifikazioa” izena edukiko duena eta ondoko informazioa izan beharko du: egilearen izen-abizenak, NAN, helbidea, kontakturako telefono zenbakia, posta elektronikoa eta aurkeztutako argazkien izenburua (beste karpetakoarekin bat etorri behar du).

Informazio gehiago eskuorri honetan eskura daiteke.