Aurrekariak

Hurbiltzen ari zaigun 2023 urtean, pandemia atzean uztear gaudela dirudien horretan, bestelako gertaerek errekuperaziorako bidea oraindik ere ziurgabetasunez bete dute. Edonola ere, aurrekontu ikuspuntu batetik Errenteriako Udala inoiz baino sendoago agertzen da egoerari aurre egiteko.

Izan ere, 2023ko aurrekontuak % 8,5eko igoera aurreikusten du: Udalen Finantzaketarako Foru Funtsaren igoera, Europar Batasunetik etorritako Next Generation Funtsak… aldi berean, herritarrengan eragin zuzena duten zerga eta tasak izoztea erabaki den ekitaldian.

2023ko Errenteriako Udaleko aurrekontuak ere, behin amaituta eta erabilgarri daudenean, udalerrian inpaktu handia izango duten inbertsio esanguratsuak (Pontika, Beraun, Gabierrota…) finantzatzeko mailegua ere aurreikusten du.

Azpimarratzekoa baita legegintzaldi honetan Udalaren zorpetze maila txikituz joan dela, azken 2-3 urtetan hasierako aurrekontuan aurreikusitako maileguak ez baitira azkenean kontratatu, gainontzeko sarreren bilakaera positiboarengatik, besteak beste.

* 12/31rako estimazioa / Estimación a 31/12

2023ko aurrekontuaren ezaugarriak

• 63 miloi euroko aurrekontu proiektu bat prestatu da 2023rako, iazkoa baino % 8,5 handiagoa.

• Aipatu bezala, igoeraren arrazoi nagusiak dira: Udalen Finantziaziorako Foru Funtsaren igoera, Next Generation Funtsen finantzatutako dirulaguntzak, mailegu berrien aurreikuspena, udal zergabilketaren bilakaera ona…

• Diru-sarrera aurreikuspen horiek baliatuta, ia departamentu guztiek igoera aurreikusten dute haien gastu-programen guztizkoetan.

• Horrela, bi helburu betetzen dira: alde batetik, 2019-2023 agintaldi planaren garapenean sakondu eta bestetik, austeritatea alde batera utzita, Errenteriako biztanleen ongizatea bermatzeko eta tokiko ehun ekonomikoa eutsi eta bultzatzeko neurriak bideratu.

• Zentzu berean, dirulaguntza eta transferentzietarako gastu-aplikazioek, iazko zenbatekoekin alderatuz, ia %15eko igoera jasan dute.

• Inbertsioei dagokionez, 2022ko kopurua nabarmen igo da, %28aren bueltan. Aurreko urtetatik datozen proiektu plurianualei kabida ematearekin batera egitasmo berriek ere tokia dute 2023ko aurrekontuan.

• Iazko zenbatekoekin alderatuz, arloen bilakaera honako hau da:

Alkatetza eta goi karguak	0,0%
Giza baliabideak	4,3%
Ogasuna	-10,2%
Garapen ekonomikoa	4,5%
Hirigintza	27,95%
Ingurumena	3,44%
Hezkuntza eta gazteria	12,4%
Gizarte zerbitzuak	3,8%
Kultura	3,3%
Hiri mantenua	20,2%
Udal hizkuntza politika	4,3%
Errenteria Musikal	10,0%
Trafikoa, garraioa, hiritarren babesa eta babes zibila	0,2%
Berdintasuna	%10,70
Dibertsitatea	21,1%
Kirolak	6,5%
Idazkaritza	0,0%
Kontratazioa eta ondarea	-0,4%
Artxiboa	-13,9%
Informatika	-20,5%
Informazio gizartea eta herritarren partehartzea	-2,4%
Liburutegia	0,0%

Jarraian, Udaleko sail bakoitzak aurrekontu osoarekiko duen pisu erlatiboa zein den aurkezten da. Kasu honetan, gastu programak eta arloko giza baliabideak kontutan hartuak izan dira.

Artxiboa	%0,50
Berdintasuna	%0,60
Idazkaritza	%0,60
Dibertsitatea	%0,70
Kontratazioa eta ondarea	%1,10
Informatika	%1,40
Liburutegia	%1,40
Alkatetza eta goi karguak	%1,50
Udal hizkuntza politika	%2,30
Kirolak	%2,30
Informazio gizartea eta herritarren partehartzea	%2,30
Hezkuntza eta gazteria	%2,50
Herri Arte Eskola	%3,10
Giza baliabideak	%3,80
Kultura	%4,30
Ingurumena	%5,50
Ogasuna eta garapen ekonomikoa	%7,50
Gizarte zerbitzuak	%10,40
Hirigintza	%10,50
Trafikoa, garraioa, hiritarren babesa eta babes zibila	%11,40
Hiri mantenua	%26,00

Sarrera eta gastu-egoerak

1. Sarrerak:

Sarrerak kalkulatu dira 2021 eta 2022ko datuen bilakaera eta Gipuzkoako Foru Aldundiak 2023rako UFFFrako egindako aurreikuspena oinarri hartuta.

Ahaztu gabe, noski, Udalbatzarrak bere urriko saioan, aho batez erabaki zuela 2023rako zerga eta tasak izoztea.

Bestalde, Europar Batasunak finantzatuta Errenteriako Udalak 2023an zehar, gutxienez, Next Generation Funtsen bitartez 1.200.000 euro jasoko dituela aurreikusten da.

Azkenik, aurtengoan gehienez ere 2,9 miloi euroko mailegua eskatzea aurreikusi da.

Udalaren Aurrekontu Proiektua 63.073.500 eurokoa da.

2. Gastuen egoera:

Udalaren Gastu Aurrekontu Proiektuari buruz honako aipamen hauek azpimarratu behar dira:

• Agintaldi planaren garapenean erabat sakontzen da.

• Ia departamentu guztiek gora egin dute.

• Pertsonal gastuetan Estatu mailan enplegatu publikoen soldatekiko hartutako akordioek ekarriko dituzten igoerak aurreikusi dira.

• Gastu eta zerbitzu arruntetan KPIaren gorako bilakaerak, gastu aurreikuspenetan 2 milioi euro baino gehiagoko igoera ekarri du, bereziki energia eta erregaien horniduretan.

• Dirulaguntza eta transferentzietarako gastu-aplikazioek, iazko zenbatekoekin alderatuz, ia %15eko igoera jasan dute. Atal honetan sartzen dira dirulaguntza deialdiak, dirulaguntza zuzenak eta baita bestelako entitate eta administrazioei egin beharreko ekarpenak.

• Inbertsioei dagokionez, iazko zenbatekoa igotzen da, besteak beste, aurreko urtetatik datozen proiektu plurianualei kabida emanez:

  – Pontikako garajeak (1.000.000)

  – Gaztañoko igogailua (520.000)

  – Beraun kaleko berrurbanizazioa (520.000)

  – Gabierrotako pasealekuko interbentzioa (800.000)

  – Agustinetako lanbide sortzaileen poloa (1.075.000)

  – Gamon ikastetxeko 2. estalpea, hiltegia berritzeko proiektua, Barandiaran Parkeko deskontaminazioa,…(400.000)

• Ingurumen departamentuan ia 580.000 euroko inbertsio proiektuak aurreikusten dira (LED argiteria, energia berriztagarriak, komunitate energetikoak…), Next Generation Funtsek finantzatuta.

• Hiri Mantenuan ere Next Generation Funtsek finantzatuta 709.000 eurora arteko inbertsioak aurreikusten dira: ur-hornidura eta saneamendu sareen digitalizaziorako. Departamentuko gastu arruntei dagokionez, KPIaren igoerak Udaleko zerbitzu-kontratu esanguratsuenetan (kale garbiketa, eraikinen garbiketa eta hondakinen bilketa) izango duen eragina kontuan hartu da.