Datorren ostiralean, abenduaren 16an, Lau Haizetara elkarteak irakurketa errazeko lehen saioa eramango du aurrera. Saioa Madalen kaleko 27. zenbakiko erakinean (liburutegi zaharra zena) izango da, arratsaldeko 18:00etan.

Irakurketa errazeko saioa helduentzako liburu bat modu erraz eta didaktiko batean irakurtzean datza. Lehenengo saioko liburua ‘Txernobil txiki bat etxe bakoitzean’ izango da, Ander Eizagirrerena.

Izena emateko bulegoa@lauhaizetara.eus helbidera edo 688 765 398 zenbakira idatzi.