Errenteriako Udalak iazko uztailean deialdi bat egin zuen herriko establezimenduei aurre egiten laguntzeko digitalizazioa, elektrizitatearen prezioaren aldaketa garrantzitsuak, iraunkortasuna edo TicketBAI sistemaren berehalako ezarpena bezalako erronkei aurre egiten laguntzeko.

Modernizazioari, egokitzapenari eta etengabeko hobekuntzari begira, udalerriko 170 enpresari eman zaie laguntza, horiek ekintzak eta proiektuak aurkeztu ondoren.

Enpresa gehienek digitalizazioaren inguruan aurkeztu dituzte proposamenak. Proiektuek ekipamendu eta programez hornitzea izan dute helburu, digitalizazio-maila hobetzeko eta TicketBAI abian jartzearen ondoriozko inpaktua minimizatzeko.

Trantsizio ekologikoaren esparruan, aurkeztutako ekintzak efizientzia eta energia hobetzean oinarritu dira, luminariak ordezkatuz, toldoak instalatuz eta tresneria berrituz, batez ere ostalaritzan eta elikagai-dendetan. Taxilariek eta kaleko saltzaileek ere proposamenak aurkeztu dituzte.

Deialdiaren konplexutasunaz jabetuta, eta prozesuan laguntzeko asmoz, Udalak laguntza-gida bat prestatu zuen, eta informazio-jardunaldi bat egin zuen hiri-ekonomiako enpresentzako, Errenkoalderekin lankidetzan. Elkarte horrek modu aktiboan lan egin du proposamenekin laguntzen eta horiek izapidetzen ere.

Honakoa, agintaldi honetan Gobernu Taldeak tokiko ekonomia sustatzeko martxan jarritako bosgarren dirulaguntza-lerroa da eta Gobernu Taldeak tokiko ekonomiarekin duen konpromiso argiaren adierazle. Guztira 1.323.545 euro inbertitu dira dirulaguntzatan, agintaldiaren hasieran COVIDak eragindako ondorio ekonomikoak arintzen laguntzeko, ondoren tokiko enpresa eta negozioak modernizatzeko eta etengabeko hobekuntza-prozesuak egin ditzaten babesa emateko ere. Ekimen hauek guztiak, gainera, agintaldiaren hasieran martxan jarritako Tokiko Ekonomiaren Aholku Kontseiluan proposatu eta adostu dira, bertako eragileen ezinbesteko inplikazioarekin.