Datorren larunbatean, ekainaren 10ean, goizeko 9etatik aurrera, autoek eta motorrek Errenteriako kaleak hartuko dituzte ‘Elkartasunaren Motorra’ ekitaldi solidarioaren edizio berri bat ospatzeko. Pandemiaren ondorioz hainbat urtez etenda egon ondoren, larunbatean motorrek orro egingo dute berriro 2014an Juneren Hegoak taldeari laguntzeko sortu zen ekimenaren bosgarren edizioan, eta auto eta motorik onenak herriko erdigunean egongo dira ikusgai. Gainera, hainbat proposamen prestatu dira. Goizeko zumba, bermuteoa, haurrentzako hainbat jarduera, Scalextric txapelketa eta musika ugari izango dira. Oraingoan, gainera, 140 auto inguru eta beste hainbeste moto izango dira.
Egun horretan biltzen den diru guztia Juneren Hegoak eta Mowat Wilson elkarteei emango zaie.
Eguneko agenda:
9:00 Ateen irekiera
11:00 Zumba Masterclass-a Oliber Nestarrekin (Xenpelar)
12:00 Bermuteo solidarioa Radio Rebelderekin (Xenpelar)
12:30 Rockalean, Niessen plazatik hasita
13:45 Kolpez Blai
16:30 Haurrentzako aurpegiak margotzea
16:30- 18:00 Haurrentzako diskofesta + askaria Telepizzaren eskutik
18:00 Zozketa
18:30 Baipass kontzertua
19:30 Malabareak. Pablo Kolonbiarra
20:00 Anonimos kontzertua
11:00-14:00 Scalextric lehiaketa haurrentzat + sariak
16:00-19:00 Scalextric lehiaketa helduentzat + sariak
Egunean zehar Elkartasunaren Motorraren kamisetak eta beste hainbat produktu salgai egongo dira.