Urriaren 21ean, ‘Juneren Hegoak Eguna’ ekimenaren baitan, Pirritx, Porrotx eta Marimototsen ‘Urteak bete, abenturak bizi!’ ikuskizuna ikusteko aukera egongo da Lekuona Fabrikan. Sarrerak bihar jarriko dira salgai, 12:00etan, http://sarrerak.errenteria.eus/ webgunean, 6 euroan.

Ekitaldi hau elkarte errenteriarraren egun handiko plater nagusietako bat izango da, hamargarren urteurrena ospatzen ari den honetan. Eguna jardueraz josita egongo da 11:00etan hasi eta 20:00ak arte, eta aurreko astean emango dute egitarau osoaren berri.