Uztailaren 25a arte, hau barne, ez da TAO zerbitzurik egongo. Zerbitzua uztailaren 26an, astelehenean, berrezarriko da.
Datorren asteartean Nigeriar kontsulatuko ordezkariak Errenterian izango dira nigeriar jatorriko herritarrei nigeriar nortasun agiriak tramitatzen
Datorren asteartean, uztailaren 27an, Nigeriar kontsulatuko ordezkariak Errenteriako Reina Aretoan izango dira nigeriar jatorriko herritarrei nigeriar nortasun agiriak tramitatzen. Goizeko 9:00etatik arratsaldeko 20:30 bitartean izango dira bertan.
‘Errenteria Hiria VIII Ikurrina’ estropada jokatuko dute Pasaian larunbatean
Larunbatean, uztailaren 24an, 17:30ean, KAE ligako ‘Errenteria Hiria VIII Ikurrina’ estropada jokatuko da Pasaian, Errenteriako Udalak babestuta. Bertan Hibaika erakunde antolatzaileak parte hartuko du, beste 9 ontzirekin batera. Lehenengo txandan Illunbe, Santoña, Hibaika, Zarautz eta Donostiarra arituko dira arraunean. Bigarren txandan, aldiz, Portugalete, Busturialdea, Deustu, Hondarribia eta Mutriku.
Errenteriako memoria feministaren mural kolaboratiboan parte hartzeko deia
Errenteriako memoria feministaren hormairudia diseinatzeko tailerrak egin ostean, margoketa lanak hasi dira. Horregatik, herriko emakumeei deia luzatu nahi diete antolatzaileek, datozen larunbatetan, uztailaren 24ean eta 31n, mural kolektiboa margotzera gerturatzeko. Zapirain Anaiak kalean egongo dira, 10:00etatik 14:00etara eta 16:00etatik 19:00etara. Muralak espazio publikoan emakumeek eta mugimendu feministak duten presentzia agerian utzi nahi du Errenteriako kronologia […]
Jai Batzordeak merezitako aitortza jaso zuen larunbatean
Udalak Jai Batzordeak egindako lana eskertu eta aitortu nahi izan zuen larunbatean, hilak 17, Niessen Kulturgunean egindako ekitaldian. Ekitaldia, bere osotasunean, jasotzen duen bideoa eta bertan egindako argazkiak hemen:
9 gizarte-langile hautatzeko probak hasi dira
9 gizarte-langile hautatzeko oposizioaldiko lehen ariketaren lehen ataleko ariketa egin zuten atzo. Udaleko funtzionarioen langile-plantilan hutsik dauden gizarte-langile plaza guztiak egonkortuko dira deialdi honen bidez.
Emakumeen Etxearen udako oporrak
Uztailaren 22tik abuztuaren 31a arte Emakumeen Etxea itxita egongo da. Irailaren 1ean zabalduko ditu berriro ateak, ohiko ordutegiarekin: Astelehen eta ostiralak: 9:00-13:00 Astearte, asteazken eta ostegunak: 16:00-20:00
Ofizial Errementariaren lanpostu bat aldi baterako betetzeko deialdian eskaerak aurkezteko epea zabalik dago
Errenteriako Udalak ofizial errementari lanpostu bat aldi baterako betetzeko hautaketa-prozesuaren deialdia eta oinarriak argitaratu ditu, harik eta legez aurreikusitako prozeduraren bidez lanpostu hori behin betiko betetzen den arte. Deialdian parte hartzeko bete beharreko baldintzen artean daude Derrigorrezko Bigarren Hezkuntzako Graduatu-titulua (edo eskola-graduatu-titulua) eta B motako gidabaimena izatea. Eskaerak aurkezteko epea 2021/07/29ra arte egongo da zabalik. […]
Oarso 2021 aldizkaria, dagoeneko eskuragarri
Oarso aldizkariaren bigarren garaiko 56. zenbakia salgai dago herriko liburu-denda eta kioskoetan eta gainerako puntu laguntzaileetan: Erdigunea: Alamedako kioskoa, Bitxi kolore, Bixen kioskoa, Etxenike loteria-denda, Hostoak kopia-denda, Maitexa estankoa, Mirentxu liburudenda, Morrongileta kioskoa, Josemi kioskoa, Xenpelar kioskoa, Xenpelar kultur denda, Zumardi kioskoa, Txusti. Fanderia: Marian liburudenda Oarso 2021 aldizkariaren aurkezpena Iztieta: Razquin estankoa, Urtzi Kioskoa […]