Odola emateko aukera egongo da datorren asteartean Errenterian
Datorren asteartean, abuztuaren 4ean, odola emateko aukera egongo da Errenterian, hain zuzen ere, Merkatuzarren 17:30etik 20:30era. Oraingo egoera dela eta, hitzordu zehatzak ematen ari dira, hortaz, odola eman nahi duen edonork hauetako telefono zenbaki batera deitu beharko du, hitzordua eskatzeko: 699 474 985/ 600 224 950.
Udalak gogorarazi du hondakin sanitarioak edukiontzi grisean utzi behar direla eta lurrera botatzeak 750 euroko isunak ekar ditzakeela
Udalak gogorarazi du Covid-19aren pandemian sortzen ari garen hondakinak (berriz erabili ezin diren maskarak, eskularruak, …) errefusaren edukiontzi grisean utzi behar direla, hara botatzen baitira birzikla ezin diren hiri-hondakinak.Gehiago irakurri
#BiziErrenteriakoDendak, uztailaren 28, 29 eta 30ean herriko dendak ezagutzeko aukera
Bizi Errenteria programaren dinamizazioaren baitan, arropa, osagarri, zapata, etxerako osagarri, loredenda eta belar-dendetako dendariek euren salgaiak kalean, establezimendu bakoitzaren kanpoaldean, erakusteko aukera izango dute hiru egun horietan. Aldi berean, abian jarri da ‘Bizi Errenteria esperientzia gastronomikoa, 2×1 eskaintza’ eta horri dagozkion 1300 tiketak bezeroei banatuko zaizkie aipatu denda horietan. Herriko 220 establezimendutik gora egin dute […]
Uztailaren 31n, esklerosi anizkoitza pairatzen duten pertsonen aldeko ‘Busti zaitez’ kanpaina, Errenterian
Joan den uztailaren 12an Euskadiko 80 igerileku eta hondartzatan “Busti Zaitez- Mójate por la Esclerosis Múltiple” kanpainaren 23. edizioa egin zen, Eugenia Epalza Fundazioa Esklerosi Anizkoitzaren Euskal Fundazioak antolatuta. Eguraldi txarra zela eta, jarduera solidario hori ezin izan zen egin Fanderiako Igerilekuan, eta, ondorioz, uztailaren 31ra aldatu dute. “Busti Zaitez – Mójate” ekintza solidarioa da. […]
EMKE Musika Bandak San Inazio kontzertua online eskainiko du, ‘A Igarondo’ dokumentalaren emanaldiarekin eta San Inazio Martxarekin batera
EMKE – Errenteriako Musika Kultur Elkarteak ohiko San Inazio kontzertua aurrez aurreko formatuan ez eskaintzea erabaki du. Arrazoia Covid-19k ezarritako segurtasun soziosanitarioko egoerak behartutako edukiera mugatua da. Halere, EMKE – Errenteriako Musika Kultur Elkarteak oso programa berezia diseinatu du San Inazio egunerako. Programa horretan, ‘A Igarondo’ dokumentala online emitituko da, eta Ereintza Dantza Taldeko dantzariek […]
‘Irakurtzeak jantziago egiten zaitu’ lelopean ospatuko da Liburuaren Eguna bihar
● Bizi Errenteria programaren dinamizazioaren baitan, Errenteriako 4 liburudendek euren liburuak erakusgai izango dituzte herriko bestelako 15 dendatan. COVID-19ak eragindako egoeraren ondorioz, Liburuaren Eguna ohi bezala apirilaren 23an ospatu beharrean, uztailaren 23 ostegunean izango da. Aurtengoan, Errenterian liburudendek herriko bestelako dendekin elkarlanean ospatuko dute eguna: liburuak euren erakusleihoetan ikusgai izateaz gain, arropa, osagarri, dekorazio, optika, […]
‘11 etxe eta kolore’ argazkien eta mikrokontakizunen erakusketa, Gabierrotako pasealekuan ikusgai
Erakusketa ‘Hau bizi poza!’ ekimenaren testuinguruan antolatu du Udalak. Bertan, nazioarteko kultur aniztasunaren eguna dela eta udalerriko DBHko 3 ikastetxetako (Koldo Mitxelena, Cristobal de Gamon eta Telleri-alde) ikasleek konfinamenduan zehar beren etxeetan eta etxeetatik egindako argazkiak eta mikrokontakizunak daude ikusgai. Hain zuzen ere, on-line bidezko modulu bat egin osteko emaitza dago ikusgai Gabierrotako pasealekuan gaurtik […]
Bihar eta larunbatean ez da TAO zerbitzurik egongo
Jaiegunak direla eta, bihar, asteazkena, eta uztailaren 25ean, larunbatean, ez da TAO zerbitzurik egongo. Aldiz, uztailaren 23 eta 24ean zerbitzuak lanegunetako ohiko moduan jardungo du.
Udal kirol instalazioak itxita egongo dira bihar
Madalen eguna dela eta, bihar, uztailak 22, Fanderiako, Galtzarabordako eta Beraungo udal kirol instalazioak itxita egongo dira. Gainera, Udalak gogorarazi nahi du uztailaren 25a, larunbata, jaieguna dela eta, hortaz, jaiegunetako ordutegia izango dutela kirol instalazioek.