Madalenetako hitzorduez gain, hauek dira uztailean udal txistulari taldeak eskainiko dituen emanaldiak:
Uztailaren 7an, 09:00etan: diana Kaputxinoetako auzoan
Igande honetan 9:00etatik aurrera Kaputxinoetako auzoan zehar ibiliko dira Udal Txistulariak. Bertako kaleak alaitu ostean, Udaletxean amaituko dute, ohi bezala.
San Fermin eguna izanik, honako doinu hauek izango dira igande honetakoak:
– ‘Zezenetako zortzikoa’, egile ezezaguna. Moldaketak, Joxe Mari Altuna
– ’Idiarena’, Eduardo Gorosarri
Uztailaren 14an, 09:00etan: diana Fanderia, Gabierrota eta Lartzabal auzoetan
Igande honetan, Udaletxetik 9:00tan hasita, Fanderia, Gabierrota eta Lartzabal auzoetan barrena ibiliko dira Udal Txistulariak.
Honako zortziko hauek izango dira igande honetakoak:
– ‘Txantxiku’, Jose Ignazio Ansorena Miner
– ‘Pudente’, Juan Jose Santesteban Iraola. Moldaketak, Jose Ignazio Ansorena Miner
Uztailaren 31ean, 09:30ean: San Inazio eguneko diana berezia
San Ignazio eguna dela eta diana berezia eskainiko dute txistulariek 9:30etik 11:00ak bitarte.
Kalejirak joaz ibiliko dira Erdiguneko kaleetan eta geldialdietan Jose Ignazio Ansorenak moldatutako San Ignazio Martxa joko dute hainbat lekutan.