Ekainaren 3an, 19:00tan, zabalduko da Álvaro Ledesmaren (Errenteria, 1975) “Marionnettes” erakusketa Xenpelar Etxean. Datorren astetan izango den Eztena arte eszenikoen jaialdiaren (ekainak 15-18) baitan antolatu da teatro kutsu nabarmena duten eskulturez osatutako erakusketa hau. Bertan, material birziklatuekin sortutako pertsonaia fantastiko eta ezinezkoak topatuko ditu ikusleak, burdin zatiei, lanabesei eta trapu zaharrei ezusteko bizitza berri bat emanez.

Ekainaren 17an erakusketaren performance bat egingo dute egileak eta Metrokoadroka kolektiboak. Performancea 20 minutukoa izango da, eta bi pase egingo dira: 12:00tan eta 13:00etan. Parte hartzaileak: Alvaro Ledesma (musika), Oier Guillan (dramaturgia), Ainhoa Alberdi, Amaia Corral, Iraia Elias eta Joseba Roldan (aktoreak). Lekua aurretik gordetzeko: eztena1@hotmail.com

Erakusketa ekainaren 18a arte zabalik egongo da, astelehenetik larunbatera 17:00etatik 20:00etara. Ekainak 18 igandea ere zabalik izango da.