Otsailaren 3an, Errenteriako Indoor Duatloiaren beste edizio bat egingo dute Fanderian, Errenteriako Udalak sustatuta.

Proba 9:30ean hasiko da. Lehenengo 3,2 km-ko lasterketa egingo dute, jarraian 8 km-ko bizikleta estatikoa eta amaitzeko 1,6 km-ko bigarren lasterketa egingo dute Fanderia auzotik. Parte-hartzaile bakoitzaren denbora osoa kalkulatzeko, proben arteko trantsizio-denborak ere batuko dira.

Duatloia gizonezko, emakumezko eta bikoteko modalitatetan jokatuko da. Parte hartzeko gutxieneko adina 18 urtekoa da banakako probetarako. Bikoteka aritzeko, berriz, gutxieneko adina 14 urtekoa da, betiere beste bikotekidea adinez nagusia bada.

2024ko edizio hau OarsoTri Triatloi Klubaren hamargarren urteurrena ospatzeko baliatuko dute, proba antolatzeko lanetan aritzen dena.

Duatloian izena emateko prezioa 5 euroko da Errenteriako kirol instalazioetan abonatutako pertsonentzat eta OarsoTri klubeko kirolarientzat. Gainerako parte-hartzaileek 8 euro ordaindu beharko dituzte. Bikoteei dagokienez, pertsona bakoitzak 3 euro eta 4 euro ordaindu beharko dituzte.

Izen-ematea Fanderiako udal igerilekuen harreran (943344423) eta Galtzarabordako kiroldegian (943449690) egin daiteke.