Maiatzaren 27an, larunbatean, arratsaldeko 16:00etan, Galtzarabordako Udal Kiroldegiko igerilekuan Errenteriako kirolariaren izena daraman “Sara Carracelas, igeriketa egokitua” lehiaketaren bederatzigarren edizioa burutuko da, Oarsoaldea Igeriketa Kirola Elkarteak antolatuta eta Errenteriako Udalak babestuta.
Torneoan ahalmen urriko igerilariek hartuko dute parte, proba eta estilo desberdinetan: librea, bizkarra, tximeleta,…
Kirol Egokituaren Gipuzkoako Federazioak gonbidapenak bidali dizkie klub guztiei, eta antolatzaileek 60tik gora kirolarik parte hartzea espero dute, horietako askok Sara Carracelasekin harreman berezia dutenak.
Hori dela-eta, larunbatean Galtzarabordako Udal Kiroldegiko Igerilekua itxita egongo jendearentzat da 15:00etatik aurrera.
Gainontzeko instalazioa irekita egongo da ohiko ordutegian. Udal kirol instalazioetako bazkideek eta gainontzeko erabiltzaileek Fanderiako Igerilekua erabili ahal izango dute egun osoan. Lehiaketa 16:00etan hasiko da eta sarrera doakoa da.