Hibaika Arraun Elkarteak Udal Kirol Patronatuaren laguntzarekin antolatuta, igandean, hilak 26, Gipuzkoako Batel Ligarako balio duen estropada izango da 10:45etik aurrera.

Estropada Oiartzun ibaian egingo dute, Zumardiko lehenengo zubitik Iztietako pasealekuaren bukaerako oinezkoen zubiraino, erlojuaren aurkako modalitatean.

Estropada hasten den unetik, bi orduko iraupena izango du jardunaldiak.