Pasa den igandean, ekainaren 23, San Juan bezperako ohiko soka dantza izan zen ikusgai Herriko plazan. Bertan, Ereintza dantza taldeko kideek alderdi guztietako udal ordezkariak izan zituzten dantza-lagun, lehendabizikoz.

Hainbat eta hainbat herritarren aurrean, dantzariek eskutik helduta sortzen duten soka sinbolikoan parte hartu zuten zinegotziek eta guztien artean, Julen Mendoza alkateak bakarka ere egin zuen dantza.

(Bideoa eta argazkiak: Beñat Irasuegi)