Asteburu honetan kaldereroek inauteriak iragarriko dituzte Errenterian, eta otsailaren 4tik 9ra bitarte ospatuko dira inauteri egunak. Horietan konpartsek ere euren lekua izango dute, eta otsailaren 5ean 19:30ean Galtzarabordako kiroldegian aurkezpena egingo dute.
Bertaratzeko sarrera erosi beharko da euro baten truke. Otsailaren 3an 09:00etatik aurrera jarriko dituzte sarrerak salgai Niessen Kulturguneko leihatilan, eta pertsona bakoitzak bi sarrera erosi ahal izango ditu gehienez.
Aurkezpenean ondorengo konpartsek parte hartuko dute:
- Alaia
- Telleriko Guraso elkartea
- Danza-rin
- Jubilatuen Elkarteak
- Intxaur txiki
- Boveda
- Showtime
- Furius
- Odissey
- Eureka
- Salai
