San Marko Mankomunitateak, Ecoembesek eta Ecovidriok 2021eko abenduan hasi zuten ‘birziklapenaren totemak’ kanpaina. Kanpaina horren helburua da Mankomunitateko 10 udalerrietako biztanleak kontzientziatzea.

Kanpaina hau informazio-totemetan oinarritzen zen, eta mankomunitatearen eremuko hainbat gune publikotan kokatzen ari dira. Orain, kanpaina hori indartu egin dute informazio-guneekin. Indartzeko kanpaina hau atzo hasi zen Errenterian eta martxoa eta apirila bitartean luzatuko da, San Marko Mankomunitatea osatzen duten 10 udalerriak 40 egunez egon arte. Informazio-puntuan gerturatzen diren herritarrek zalantzak argitu ahal izango dituzte etxean sortzen dituzten hondakinak behar bezala bereizteko, baita herrialdeko produktuekin osatutako saski baten zozketan parte hartu ere. Kanpainaren helburua da gehiago eta hobeto biltzera animatzea, plastikozko, metalezko eta brik motako ontziak eta beirazko, paperezko eta kartoizko ontziak behar bezala bereizteko behar den informazioa emanez kalean bertan.

Errefortzu kanpaina honek totementzako ezarritako egutegiari jarraitzen dio, eta orain ere, Errenterian hasiko da, non aste honetan zehar kokaleku hauetan informazio puntua jarriko den: Herriko Plaza, Diputazio plaza, Foru plaza, Erramun Astibia (Fanderia) eta Pablo Sorozabal plaza (Beraun). Ondoren, datorren astetik aurrera, Mankomunitateko gainontzeko udalerrietara iritsiko da kanpaina.