Datorren asteazkenean, maiatzaren 1ean, egingo dute Dantzari Txiki Eguna. Ereintza Dantza Taldeak antolatua, Herri Arte Eskola eta Errenteriako Udalaren laguntzarekin, jaialdiak Euskal Herriko herri ezberdinetatik etorritako 8 talde bilduko ditu.
Guztira, hurrengo herrietatik etorritako 350 dantzari inguru espero dira:
-
- Murixka (Lezo)
- Orbeldi (Usurbil)
- Zumaiako Dantza Eskola (Zumaia)
- Haurtzaro (Oiartzun)
- Hondarribiako Dantza Eskola (Hondarribia)
- Udaberri (Tolosa)
- Pasaia Musikal (Trintxerpe)
Egunari hasiera emateko, dantzariak herrieko kaleetan zehar ibiliko dira goizeko 11:30etatik aurrera eta Koldo Mitxelena plazatik abaituta. Desfileak hiru ibilbide ezberdin izango ditu, horrela erdiguneko kale guztiak festa giroan murgiltzeko.
13:15ean Gamon Zumardian elkartuko dira talde guztiak azken dantzaldia egiteko. Arratsaldeko saioari dagokionez, 16:15ean trikitilariek ekingo diote; eta jarraian, 16:30ean Modesto musika joleak eta bere organoak gaztetxo guztiak datzan jarriko ditu.
Eguraldi txarra izanez gero, Koldo Mitxelena ikastetxeko eta Koldo Mitxelena-Esmalteriako aterpetan egingo da goizeko saioa. Arratsaldekoa, berriz, Gaztaino auzoko frontoi-aterpe berrian egingo litzateke.
Ereintza Dantza Taldeak eskerrak eman nahi dizkie bazkarian antolatzen egongo diren eragile eta komertzioei: Hibaika, Txepetxa, Amulleta, Gure Toki, Gau Txori, Niessen, Txintxarri, Alkartasuna, Landare, Super Amara eta Sein Izarra.
Kontsultatu hemen 2024ko Dantzari Txiki Egunaren egitarau osoa.