Datorren igandean, hilak 25, Añarbeko Baso Erreserba ezagutzeko ibilbide gidatua antolatu dute. Aste honetakoa euskaraz izango da eta Idoiatik (Susperregi) abiatuko da goizeko 10:00etan. Gazteleraz, ordea, irailaren 1ean egingo dute leku eta ordu berean.
Txangoak, Malbazarko lepoan barrena, Gipuzkoa eta Bizkaiko harizti handienera eramango ditu parte-hartzaileak, ekosistema honi lotutako landaretza eta basafauna behatu eta ezagutuz.
Ibilbideak, guztira, hiru orduko iraupena izango du eta 2 euroko prezioa du pertsonako. 7 eta 16 urte artekoentzat, aldiz, euro 1ekoa eta 7 urtetik berakoentzat doan eskainiko dute.
Beharrezkoa da Errenteriako Turismo Bulegoan aurretik erreserbatzea ibilbide gidatua egiteko, asteazkenetik igandera, 11:00etatik 14:00etara eta 16:00etatik 18:00etara, bai 943 449 638 telefonoan edo baita turismo@errenteria.net posta elektronikoan ere.